袁詠儀楊張新悅講湊仔泯恩仇

東方日報
薛芷倫指靚靚和楊張新悅有傾有講。

藝人袁詠儀(靚靚)和楊張新悅當年因拍戲而鬧不和,一度勢成水火。不過事隔21年,前晚她們在活動上碰面,毫無芥蒂大談小朋友話題,成功破冰!

靚靚與楊張新悅於1997年拍攝電影《戇星先生》時,因拍戲推撞問題而鬧不和,靚靚更指摘當時的新人包括楊張新悅等不專業;而楊張新悅早年受訪都講明跟靚靚有「牙齒印」,雙方關係相當麻麻!不過,事件距今已經21年,兩人亦做了媽咪,思想當然成熟不少,昨日薛芷倫在ig上載了她與靚靚及楊張新悅的合照,還以「世紀合照」和「世紀大和解」來形容兩人終於破冰!

「舊事唔記得了」

對於跟靚靚破冰,楊張新悅直言確是20年後第一次同枱食飯。至於以前的不快事,她笑言:「我生咁多小朋友記性差,舊事唔記得了!哈哈!20年後再有機會遇見以前一齊工作的人感覺良好。當晚與美麗的裝飾、人和美食度過,是愉快的晚上!希望傳媒不要認為我們有甚麼問題了。」

薛芷倫讚成熟

薛芷倫昨日接受電話訪問,指大家前晚出席護膚品晚宴,席上見到靚靚和楊張新悅有傾有講,毫無芥蒂,談的都是扮靚和小朋友的話題,完全看不出曾鬧不和,她說:「我都係事後先知佢哋之前有啲誤會,當晚見佢哋有傾偈,仲有自拍,兩個都好好,始終大家成熟咗,做番朋友都係開心事。」而袁詠儀至截稿前未有回應。