袁偉豪憂患癌父分外感觸

東方日報
唐詩詠的感情問題,經常成為焦點。


袁偉豪(Ben)在新劇中經常面臨生命倒數,反思時間的價值,現實中,因父親患上癌症令Ben分外感觸,更透露劇集拍攝辛苦,「眼袋雞蛋咁大」似足將死之人,認真大吉利是!


型男袁偉豪昨日與視后唐詩詠、朱晨麗(朱朱)等出席新劇《棟仁的時光》宣傳,展現「咖啡王子」魅力輕鬆完成拉花挑戰。劇中Ben經常陷入30分鐘生命倒數,反思時間的重要,直言播出時機太巧合:「因為爸爸患癌症,身體唔係好好,戰鬥咗好幾年,可以話係倒數階段,始終有要面對嘅時候。依家後生有能力,就盡力去承擔,唔好令照顧佢嘅媽咪擔心。」


捱到眼袋雞蛋咁大


Ben說拍攝時很辛苦,最早埋位最遲收工:「搞到個眼袋雞蛋咁大,個殘樣都幾適合呢個就嚟死嘅角色!」此外,前晚他剛由溫哥華返港,即趕赴《三個女人一個「因」》大結局演員飯局,他指在當地登台後多留幾日探望家人,對於黃智雯提出《三》劇可以拍前傳,他認為很難寫劇本,考起幕後工作人員。由於《棟》劇緊接播出,他希望觀眾不會混淆:「好彩兩個角色嘅形象冇重疊,造型同題材都唔一樣,又可以返去禮拜一至五嘅追劇時間播出。(驚唔驚觀眾睇你睇到嘔?)希望佢哋唔會嘔啦,最多噴飯啫!」


唐詩詠情路未見曙光


至於詩詠與朱朱同樣被劇情觸動,詩詠認為只要堅持就能見到曙光,問到感情路是否已見到曙光?她笑言:「好遠呀!仲行緊去!除咗愛情仲要諗諗有乜嘢可以令自己開心,可以令到另一半一齊向前行。」而朱朱則表示會珍惜現在及過去與家人相處的時光。早前在社交網晒手腕傷痕的她,解釋只是被愛貓抓傷。


文:影視組

袁偉豪提到父親患癌而感觸,唐詩詠為之愕然。
朱晨麗珍惜與家人相處的時光。

 

是日精選

櫻桃小丸子-發生靈異事件-網預言-她將壽終正寢
影帝古天樂坦承曾因-搶劫罪服刑-詳述牢獄生活
揭密古天樂拍爛片-蓋百所學校幕後
首奪金像獎最佳男主角-23套古天樂經典電影-電視劇回顧
袁偉豪歎父親生命倒數似新劇
余文樂餵飽大肚老婆連擦兩餐
被知名女星指性侵鄭爽-陳嘉上火滾願意對質
陳榮峻自嘲傻仔吳香倫-褂后-出嫁
感動人格分裂患者-黃智雯收過千訊息
陳凱琳好事近-搵江若琳攞料
迪麗熱巴4年唔放假自摑走紅