袁偉豪張寶兒感情穩定 買貓睇家品唔通同居試婚?

袁偉豪 & 張寶兒

無綫上位小生袁偉豪(Benjamin)同女友張寶兒(Bowie)喺2017年拍攝旅遊節目《打工捱世界II》,因朝夕相對而撻著,二人拍拖兩年感情穏定,更經常喺社交網站高調放閃。近年仲不時傳出二人婚訊,上年更被爆決定今年會拉埋天窗,不過至今一直都未有消息。近日有傳袁偉豪受到陳山聰結婚嘅影響,想盡快同 Bowie拉埋天窗,結婚前仲話二人會同居試婚。

近日有人影到佢哋拍住拖去銅鑼灣揀家品,仲搞咗一輪最後都冇買到嘢。佢哋之後又一齊去睇貓,不過最後兩人都無買到。

佢哋喺2017年拍攝旅遊節目《打工捱世界II》撻著

睇完貓仔,準女婿Benjamin再行外父政策,陪張爸爸去睇車,佢哋去咗會合Bowie嘅父母和弟弟,三個男人圍住部車研究,Benjamin當然一直陪住準外父俾意見,亦都有同未來舅仔傾計,睇得出佢已經完全融入張家。

希望快啲聽到佢哋嘅好消息喇!

袁偉豪 & 張寶兒
袁偉豪 & 張寶兒
袁偉豪 & 張寶兒