衛詩雅Sell慘情照食檸檬

東方日報
衛詩雅擔任店長推銷,先知生意難做!

女星衛詩雅早前應護膚品牌邀請拍廣告,並在街頭擔任一日店長,她自言一直以來都想試,覺得會好好玩,但事後才發現原來店長唔易做:「最難係Sell產品!頭先都有畀人拒絕,真係有啲唔開心!」雖然被拒絕,但她發揮演員本色﹕「我係演員類型嘅售貨員,被拒絕嘅話我會扮到好慘同扮想喊!」還即席示範如何用30秒扮慘,不停哀求顧客:「我求吓你買啦!如果你唔買,我就會畀人炒o架喇!我屋企有3隻貓、3隻狗等我養!」雙眼水汪汪帶有淚光,但最後卻被顧客認出演員身份,反過來要求合照。