衛蘭空肚做Gym減肥成功

東方日報
為了健康,衛蘭決心減磅。

衛蘭昨日到電台宣傳新歌《低半度》,她指歌詞想表達世界太多競爭:「好嘅嘢唔需要Show Off,唔使爭。(有麝自然香?)係呀。」又稱受疫情影響,取消香港以外的工作:「幸好前兩年不停四圍唱,都儲落啲積蓄,生活OK。我唔算大使,最大開支都係做Gym同請教練。」

記者指她比前瘦了很多,她開心說:「冇磅過,不過每朝都空肚做Gym,好Work,一星期做4、5次,唔食早餐就做Gym,可以燒走咗啲腩肉。全日只食一餐,維持咗兩個月。開始咗禁食習慣,反而食多咗會唔舒服。(乜嘢係你減肥動力?)都係為咗健康,因為成日覺得好攰同冇力。」