街頭激咀堅稱單身!陳偉琪呻追求者被嚇窒

街頭激咀堅稱單身!陳偉琪呻追求者被嚇窒

「細龍太」陳偉琪涉嫌醉駕案件仍在審理中,2月5日新年間將要再上庭,出事後她曾飲泣認錯誓神劈願戒酒,但近日卻被發現在灣仔帶着醉意跟一名貌似金像影帝「老翻湯漢斯」的外籍男士又攬又錫,更被指背着健身教練男友Billy Tam偷食。

飲酒一定唔揸車

陳偉琪在將軍澳電視城出席《愛.回家之開心速遞》賀年活動回應被指破戒飲酒,她說:「嗰日同佢一齊食飯,嗰杯係apple cider嚟,只係好少酒精,我哋仲share一齊飲。(會唔會真係決心戒晒酒?)我真係飲好少,總之飲酒之後就一定唔會揸車。(本身唔係拍緊拖?)我冇男朋友,已經單身咗一排,我都有講過,只係一直冇人相信。(『老翻湯漢斯』係新男友?)我咁難得有人追,依家仲未知係咪男朋友,不過依家佢都嚇窒咗,希望畀少少空間我。」

自認鬼妹仔熱情

陳偉琪昨日與媽媽慶祝生日,她相信媽媽的生日願望是希望她快點結婚生仔,她笑說:「細龍太喺劇裏面就冇得生,但係陳偉琪都想結婚、生仔。(咀晒都仲未係男朋友?)我係有啲鬼妹仔,有啲熱情,我會收番少少。佢就係之前送花畀我嗰個,不過佢依家好嬲話,因為話佢係Tom Hanks(湯漢斯)佢話自己應該係Tom Cruise(湯告魯斯)喎,哈哈。」