蠔吧受限酒令影響 黃宗澤:都要遵守

東方日報

昨日政府建議修例,暫時禁止8,600間持有酒牌的食肆、酒吧等停止售賣及供應酒類飲品。於尖沙咀開蠔吧餐廳的黃宗澤對此表示:「如果係咁都要遵守,依家疫情學者都講係嚴重時期,所以大家要齊心協力對抗疫情。(平時賣酒佔餐廳好多盈利?)都多人飲o架!啲客人食蠔會飲白酒,但冇辦法,最緊要疫情快啲過去,大家先可以重新出發。」

至於在中環開餐廳的吳啟明說:「限制賣酒對我哋冇影響,因為過年之後,我餐廳夜晚冇開,之前亦冇收開瓶費,好多時都係客人自己帶酒嚟,唔牽涉賣酒呢樣嘢!」早前於蘭桂坊開餐廳的陸詩韻說:「依家我唔會去蘭桂坊,不過就算喺屋企都會飲吓紅酒,如果真係立例停售酒類飲品,啲酒吧真係好難捱得住,租金要白白承受,除非政府有補貼啦!」