蘇皓兒約食糖水追仔

東方日報
新一代「文青女神」,蘇皓兒玉腿長過人!

模特兒出身的蘇皓兒(Chloe)回想中學生活平淡如水,對學長情有獨鍾的她自爆每段戀情都是主動出擊,即使「食檸檬」也沒所謂。

「文青女神」Chloe曾是少女組合As One成員,被封為「文青女神」的她深受宅男愛戴,但她自嘲中學生活平淡得很,校內並非亮眼一族,甚少男同學對她心心眼:「通常我鍾意啲學長比較多。」還自爆Puppy Love發生在中三、四,但只拍拖一個月便玩完:「佢都係學長,嗰時比較鍾意啲得意樣、Cute Cute哋嘅善良男仔。(佢點追你?)冇啊!係我追佢!」

外表文青,內裏則非常進擊,Chloe笑言每次拍拖都是主動追男仔:「因為佢哋唔會追我,我都唔知點解!我喺呢方面好遲鈍,咁啱幾次都係我追人。(出咩招數?)約吓食糖水、打波囉!」雖然大膽求愛,但坦承食過檸檬:「有!總之你約極佢都係當你朋友,咁你就知道冇機會囉!」小時候鍾情韓劇的她覺得很浪漫,但長大後覺得平淡相處已經好幸福,夢想婚禮亦是簡簡單單,故羨慕王敏奕與曾國祥在日本叢林行禮。

Online打機 被揭身份

想做就做的Chloe曾自行報名參加校花選舉,又將履歷寄往製作公司:「好唔知醜!」最後參加As One隊員選拔賽,但笑言不是發明星夢,只是喜歡演出,一直視內地女星周冬雨為女神:「好鍾意佢做戲,覺得佢好有內涵,又活潑生動,好吸引,我都希望有多啲唔同嘅嘗試。」

近兩年愛上打籃球,Chloe覺得這個群體活動玩得開心之餘,亦是個減壓好方法:「我唔開心就會係咁做運動,試過一星期游足五日水!」除了打波還愛打機,她直言夜晚有空便約埋網友打機,但近日懷疑被揭穿藝人身份:「有次佢無啦啦唱咗句《Candy Ball》出嚟,我就知佢知道咗!」

Profile

年齡:25歲

身高:1米66

嗜好:睇書、打機、打籃球

場地:Mini Hotel(銅鑼灣)

蘇皓兒自爆主動出擊求愛,但並非百發百中。
表演欲強的蘇皓兒視周冬雨為偶像。