蘇慧恩「堵」城宣傳風雨不改

東方日報
蘇慧恩稍後落區宣傳,打算着和服見粉絲。

歌手蘇慧恩昨日到電台宣傳新歌,講到多區出現堵路情況,居住將軍澳區的她表示提早了兩小時出門:「驚會遲到,自己係工作狂,約咗(工作)就唔可以失約,放飛機就唔好。」又預告本月21日會到深水埗區商場舉行新歌發布會,無論如何都堅持風雨不改︰「得一個觀眾嚟都要唱!嗰日會配合番喺日本拍嘅MV,會着正式和服。(深水埗係高危地區!)之前舉行過嘅音樂劇都有突發情況,有人行兩個鐘過嚟支持我,好感恩啲親友堅持嚟。總之只得我自己都會好Enjoy咁唱,好識自High。」