蘇慧恩笑施匡翹做尼姑

東方日報
施匡翹(左起)、蔣嘉瑩、蘇慧恩派涼茶,大受歡迎。

歌手蔣嘉瑩、蘇慧恩及施匡翹昨日到涼茶舖派涼茶給有需要人士,問到之前可有幫手賣貨的經驗?蘇慧恩說:「喺澳洲讀書時有賣過珍珠奶茶,幾辛苦,因為間嘢好多人幫襯,所以做到冇停過,隻手痹咗,但過程都幾Enjoy。」蔣嘉瑩指哥哥開書店,她試過在書展幫手;施匡翹中學時亦試過賣護膚品:「同學話我Sell嘢一流,講完啲人就會買。」

蔣嘉瑩羨慕蘇慧恩口才好,坦言回港定居的她未適應講廣東話:「老公成日笑我用錯助語詞。」她們表示愛飲涼茶,施匡翹自言經常手腳冰冷,記者打趣指她應找個男友取暖,但被蘇慧恩取笑她是尼姑,她解釋:「經理人話我10年唔可以拍拖,同埋我讀書時讀女校,少識男仔。」