蘇慧恩做保安幫補屋企

東方日報
保安都做過嘅蘇慧恩,煮碗車仔麵當然難唔到佢啦!

歌手蘇慧恩早前圓夢簽公司脫離獨立歌手身份出歌,回想出道前景況,她指因爸爸生意失敗,她惟有半工讀做保安維持生計,每朝四、五點起床,瞓得幾個鐘:「嗰段時間好辛苦,喺澳洲返香港嗰年記得係24歲,周末又會去酒吧唱歌搵錢。(點解會做保安?)係表姐做緊,佢見我咁心急搵錢就介紹我做。」

由於收入微薄,她由「大花筒」變慳妹,更大爆巡樓期間被「搭訕」:「巡樓嗰陣好似有『人』同我講嘢,返到屋企同媽咪講,佢話就當係公公,因為公公已經過咗身,聽完又唔驚嘅。」別看她斯斯文文,其實內裏好Open!她自嘲:「性格好大癲大肺,沖涼五至十分鐘就搞掂,生活都好求其,係個樣呃到人!」