薛家燕提男友眼濕濕:我諗我要反省吓

唔好咁啦家燕…

藝人薛家燕及范振鋒下午到旺角出席護膚品牌活動。日前自爆與男友發生磨擦的薛家燕被追問感情進展時,她一面有口難言,隨後眼濕濕回道:「唔識講,擺埋一邊先。佢問我乜嘢先係我嘅第一位,點解佢成日排第二,我諗我要反省吓。」她形容自己熱愛工作:「大家都知我鍾意做嘢,試過喺美國突然間有幾單工作,佢話我點都接唔晒,我就同佢講最多搭多次飛機。依家嘅社會環境令我想支持多啲單位,所以針冇兩頭利,我係疏忽咗嘅,要考慮吓自己嘅不足之處。」

其男友曾與工作狂的她分析謂:「妳都做咗六十幾年啦,唔好得個做字。(有信心氹番佢?)係要我諗清楚將來想點先,嚟緊我都仲有好多演出。(叫佢跟妳出埠囉。)唔得,佢要返工,況且佢絕對唔係一個幫我拎化妝箱嘅人。」

另外,薛家燕近日收到粉絲傳送一張2008年拍的照片,感覺當下自己顯得更年青及漂亮:「不過我冇整容㗎,其實女性有感情生活好緊要,會令自己嘅荷爾蒙變好,所以即使結咗婚,都要爭取時間同另一半製造浪漫。」