蕭正楠錫住「阿嫂」 唔願拍親熱戲

東方日報
黃翠如在街頭巧遇「老公」,心郁郁帶回家。

昨日偕靚湯拍外景的蕭正楠(阿蕭),笑指馬國明最近很黐他,原來只為見女友:「原來我冇乜吸引力,不過真係好戥佢哋開心!」講到靚湯與馬國明以結婚為大前提,他似乎比二人更心急,說:「今年搞埋佢啦!佢(馬國明)都唔細,係搵啱對象嘅話,拍拖時間長短唔係重點。要講肉麻嘅話,除咗我之外,馬國明就係第一,佢哋兩個應該會互相氹對方。」

問到若與靚湯拍親熱戲時,馬國明前來探班,可感尷尬?他搞笑說:「望住靚湯會諗起馬國明個樣,唔好有親熱戲啦!」又指古裝劇較內斂,暗派定心丸。

此外,其太太黃翠如於社交網表示,在深水埗玩具店發現老公每張5元的「懷舊閃卡」,掙扎可要帶「老公」回家,網民即指她又乘機放閃。