蕭正楠扮濟公 第一個Shot就拗柴!

慘!

藝人蕭正楠現時正為無綫劇集《一笑渡凡間》拍攝,劇中飾演濟公,阿蕭已為此劇開工一星期,不過今朝在南生圍拍攝外景時,第一個SHOT就拗柴,劇組也很好,即時給他時間休息,阿蕭亦痛得要即去看跌打。

晒埋個慘樣!

阿蕭事後亦於社交網留言,更配上「慘慘相」,他留言:「好慘...拗柴呀!劇組馬上讓我休息,回家被罵了幾句再被帶去看醫生,鉄打館內大概十多人在排隊,每個情況都比我嚴重,有和尚叔叔骨折,有婆婆舊患O型腳,聽到大家此起彼落地叫得唉唉聲,我突然覺得不痛了!」阿蕭果然有正能量,不過,究竟係邊個罵佢咁慘呢?哈哈!仲有邊個,當然係老婆黃翠如啦!

個樣咁精神,冇乜事嘅!

阿蕭接受東網訪問時謂:「今日第一個SHOT就拗柴,我仲凌晨三點幾揸車返公司化妝,依家睇咗跌打,返咗屋企休息喇!(有冇拜神㗎?)拜咗啦!唔係可能隻腳斷咗添呀!」阿蕭講得笑,都應該冇乜事啩!