蕭正楠啪藥進補 博造人:好努力!

東方日報
蕭正楠自爆與黃翠如匿埋屋企下廚。

蕭正楠最近再度接劇,自爆休息期間與老婆黃翠如經常下廚,問到有否努力造人?他即說:「我自己本身都好努力……隨緣!」拍檔湯洛雯演麻甩捕快,令監製刮目相看。

藝人蕭正楠與湯洛雯(靚湯)等日前到郊野公園為新劇《一笑渡凡間》取景,新冠肺炎疫情下,郊外遠足成為「避炎」之地,阿蕭笑言過往在該處開工感覺是荒山野嶺,但今次見到很多人BBQ,相當熱鬧。自去年10月為無綫新劇《愛美麗狂想曲》完工後,阿蕭處休息狀態,直至最近才接拍新劇。雖然在肺炎陰霾下開工,他讚揚各工作人員的衞生意識相當高,就算因演戲而冇得戴口罩,仍然感覺很放心。

問到可有趁這段休息時間跟老婆黃翠如努力造人?阿蕭笑說:「我自己本身都好努力做人,你講嗰啲就隨緣啦!不過我哋因為成日喺屋企煮嘢食,所以廚藝大有進步!(翠如有冇煮抗疫餐你食?)佢簡單嘅都未必得喎!我都食多咗維他命,增強抵抗力。其實有呢個疫情令到大家高度關注衞生,都算係好事!」

湯洛雯夠麻甩獲讚

新劇中演少年濟公的阿蕭,與演捕快的靚湯有「一凹一凸」的情緣,相當有趣。靚湯本身非拍慣武打戲,故開工兩、三日已腰痠背痛,她說:「今次演鐵面捕快,冇表情又要粗粗魯魯咁,監製都話估唔到我可以咁麻甩!其實我一直都想做呢類角色,Man啲都唔介意。(點應付武打動作?)坦白講我唔係功夫新星,只有靠自己練,未埋位就搵武指教吓,耍吓刀都有姿勢嘅!」

湯洛雯演鐵面捕快有打鬥場面,搞到腰痠背痛。
蕭正楠與湯洛雯到荒山野嶺取景,竟然人山人海。