蕭正楠做魔鬼教練 黃翠如被屈扮跌嬲爆

東方日報
黃翠如自爆被迫做運動強身健體。

無綫花旦黃翠如昨日在荃灣出席健康產品活動,一直有血壓低問題的翠如小時候試過在街邊暈倒,她笑說:「有次同洪永城拍嗌交戲,佢見我手都震埋,以為我好激動,其實嗰朝空肚飲咗杯咖啡,血壓加上血糖低搞到手震 。」她指老公蕭正楠知道她身體不好,變身魔鬼教練逼她運動:「依家每個禮拜最少打一次羽毛球,打完仲要來回跑,佢真係好似魔鬼教練。有次跑步跌倒,佢仲問我係咪扮嘢唔想跑,我嬲咗成日。」

問到努力調養身體是否希望生B?她說:「之前雜誌話我去睇婦科,其實嗰個係黃浩然舅父,我哋上去派餅,佢唔係婦科,係好出名嘅情緒科、催眠醫生。」講到蕭正楠將在新劇中與曹永廉激咀,她笑說:「尋晚食飯佢提起,好似扮冇嘢咁,感覺好奇怪,不過我就嚟去拍旅遊節目,我唔喺度佢哋做乜都冇人知,哈哈!」