蔡潔驚「溝」唔到吳卓羲

東方日報
蔡潔認為拍劇有更多空間塑造角色。

藝人蔡潔於劇集《飛虎之雷霆極戰》中飾演電腦專家,由於「四眼妹」造型傻更更,加上性格可愛,獲不少網民鍾愛。劇中與吳卓羲及余香凝大鬧三角戀,她笑言曾經試過一整日拍感情戲,十分難忘:「嗰日真係好特別,上午仲係朋友,傍晚就已經確立咗關係,但成日都喺度談情說愛,感覺好似不務正業咁!」

首次跟吳卓羲合作,蔡潔笑言曾被對方「酷酷的」外形嚇倒:「開頭都有啲擔心溝通唔到,因為感覺佢比較Cool,開頭拍戲都幾緊張!但合作咗之後就覺得佢好Nice、好搞笑,記得第一日開工,佢知我好多嘢都比較陌生,特登請飲下午茶,等我好快冇咗驚、擔心嘅感覺,可以好好咁融入到。」早年多數拍電影的她,對於今次拍劇,直言十分期待:「呢套劇拍得好緊湊,有好多槍戰場面。(感覺如何?)拍劇時間會比拍電影長,覺得好似同個角色一齊生活咁!」

蔡潔與吳卓羲在劇中玩三角戀。