蔡潔《飛虎之雷霆極戰》眼鏡造型搶鏡 原來係選美冠軍 曾全裸拍《香港仔》

《飛虎之雷霆極戰》截圖

無綫警匪劇《飛虎之雷霆極戰》喺星期一開始播出,劇集演員陣容鼎盛,雲集型男靚女演員,女主角之一嘅蔡潔(Jacky)就最先跑出,成功獲得網民關注。除咗話佢靚女之外,仲話佢嘅側面同李佳芯(Ali)有少少相似。

蔡潔係第一次登上無綫嘅螢幕,所以唔少觀眾對佢可能感到陌生。蔡潔今次喺《飛虎之雷霆極戰》中飾演丁浩然(馬國明飾)手下及與吳卓羲有感情線嘅毛逸敏,佢嘅親民眼鏡造型頗為搶鏡。

《飛虎之雷霆極戰》劇照
《飛虎之雷霆極戰》劇照

蔡潔現年31歲喺廣東湛江出世,大學就讀暨南大學導演系,唔講唔知佢仲係著名演員張鐵林嘅愛徒。蔡潔喺大學畢業後,去咗墨爾本皇家理工大學修讀創意媒體碩士課程。充滿演戲細胞嘅佢,2012年更參加墨爾本華裔小姐,成功奪冠及奪得多個獎項,更曾經用冠軍身份到香港出戰參選華姐,並獲得「最受傳媒歡迎佳麗」。

一位好演員就會遇着俾人發掘嘅機會,蔡潔喺2014年被導演彭浩翔發掘並邀請參與電影《香港仔》,其中一幕與藝人曾志偉全裸上陣簡直令人印象深刻,並獲第34屆香港電影金像獎最佳新演員提名。

蔡潔除咗《飛虎之雷霆極戰》之外,都參與咗唔少電影及電視拍攝,例如ViuTV《短暫的婚姻》、電影《同班同學》、《踏血尋梅》、《S風暴》、《我老婆係明星》、《新河東獅吼》及《使徒行者2:諜影行動》等等。

蔡潔
蔡潔
蔡潔
蔡潔
蔡潔
蔡潔
蔡潔
蔡潔