蔡少芬凸肚素顏孖張晉接女放學

東方日報
腹大便便的蔡少芬,拖住信兒步履敏捷。
張晉趁空檔把握時間陪楚兒。
洪天明帶埋細仔接哥哥放學。
洪天明

懷有六個月身孕的蔡少芬(Ada),昨日偕老公張晉到學校接兩女放學,穿上鬆身衫肚凸凸的她一臉素顏,四肢依然纖瘦,她翹住老公張晉拍拖往學校,之後張晉拖住大女楚兒,她則拖住細女信兒。信兒見到大批記者,即用英文笑問:「點解咁多人嘅?」而張晉負責開路一支箭先往座駕,隨後Ada微笑婉拒受訪,問到腹中BB性別?她未有回答,之後一家人登車離去。

洪天明大仔怕醜

至於洪天明的大仔TJ亦就讀同一學校,他拖住細囝JT現身,勁怕醜的JT匿在其背後,又搞笑地扯住爸爸衫尾入學校接哥哥。當TJ見到記者時,古靈精怪的他第一時間用手遮面,然後笑問:「點解成日都見到你哋嘅?」天明表示每逢休息就會做湊仔公管接送,稍後會返內地拍劇及傾生意,臨走又教囝囝向記者講再見才上車。