蔡嘉欣隱瞞紋身 無綫照開綠燈

東方日報
蔡嘉欣淘慣寶,即場時裝設計難佢唔倒!

成功入圍十強的蔡嘉欣,在才藝表演環節中捨棄熱門的跳舞與樂器表演,以另類的「時裝設計」作突圍,即場將一條現成裙子改裝,頗為騎呢。一直迴避腰間有紋身的她,昨日終於開腔承認,指該紋身是18歲時的紀念:「想做啲大膽啲嘅事,但又驚會後悔,所以揀咗個隱蔽地方,估唔到記者咁神通廣大,想瞞都瞞唔到。(博大霧?)係囉!唔會自己認、自爆。(唔誠實影響仲大?)考慮咗成個月,點樣回應先最好。」又稱大會知道她有紋身,有否影響便要看評判準則,但不會考慮洗紋身:「着泳衣都遮得好好。(點解一直唔承認?)我知好多人未必鍾意。」

講到蔡嘉欣有紋身都能參選,陳旭亮說:「未聽公司話有紋身唔能夠參選,佢個紋身亦唔喺顯眼地方,着泳衣可以遮到。」

古佩玲都係跳舞,成功出「扇」殺入十強!
楊詠彤即場畫畫,大晒藝術天分。