蔡卓妍晒貓洩密 香閨有無敵大海景!

做隻貓好過!

歌手蔡卓妍最近留在家中避「炎」,不時為貓貓拍攝寫真放上社交網,卻意外令家居環境曝光,見其屋企空間感十足,貓貓可以通屋走,而且佢早前於家中作畫時,即使喺客廳中間「開壇」架起畫架,都仲有大把位置走動,相當闊落!不過講到最正嘅,就係窗台對出嘅景色,見其單位望出外就係無敵大海景,真係勁寫意,難怪貓貓都喺外窗台欣賞靚景,認真識歎!

日日歎世界!
阿Sa畫畫。
貓仔監場。
日日有靚View睇。
羨慕死人咩!