蔚雨芯簽無綫光頭都制!

東方日報
蔚雨芯目標明年多拍劇,挑戰「非靚女」角色。

藝人蔚雨芯、吳岱融、蔣志光前晚在將軍澳電視城為無綫節目《流行經典50年》擔任嘉賓,蔚雨芯透露最近與無綫簽下經理人合約,明年目標是拍劇,現在26歲是時候踏入另一階段接受新挑戰,她笑說:「如果有好嘅角色,要我剃光頭都得,希望做一啲唔似蔚雨芯、唔係好公主、唔係靚女嘅角色。」

蔚雨芯指暫時未知甚麼時候有機會拍劇,問到是否與無綫簽下長約?她笑說:「啱啱好,正常囉,完咗應該係踏入另一個歲數。」會否騷身材?蔚雨芯笑說:「呢度都冇得騷身材啦,就算《3日2夜》都好密實,到時睇角色需要啦。」

劇集《牛下女高音》一班演員上節目唱歌,吳岱融笑謂大家也很開心,未開騷已在化妝間唱不停,稍後大家亦會到外地慈善登台。吳岱融聽聞最後數集的收視很好,希望能達到30點吃公司的慶功飯。問到可希望攞獎?他笑說:「有當然好,自己離開咗呢行廿幾年,能夠再拍劇,又接到好角色,行內人又讚,已經好開心。」對於黃心穎在台慶頒獎禮未有提名,吳岱融則說:「呢啲唔講,呢啲係佢嘅私人野,喺戲裏面每個人都做得好好。」

吳岱融(左三)率《牛下》中佬繼續唱。