花5個月減磅出影集為女性平權發聲 葉蘊儀:希望女性有自己思想

花5個月減磅出影集為女性平權發聲 葉蘊儀:希望女性有自己思想

葉蘊儀(Gloria)今日(27/9)現身尖沙咀出席醫學美容簽約儀式。Gloria提到早前為純影集拍寫真激減三十多磅過程相當辛苦:「我用咗五個月時間去減,不過最辛苦嘅過程都捱過咗,其實以前都有睇過人哋嘅減肥餐單去做,原來發覺唔適合自己,但今次減肥成功全靠DNA測試,準確針對性知道我對咩食物敏感,從而制定減肥餐單,達致減肥效果。」

Gloria認為女性在香港男權社會主導之下,女性都有被壓迫現象發生,所以有個構思出純影集以「女性身體自主」為議題:「香港女性好多時都會有一種無形嘅框架限制,做起事上嚟都會冇咁大膽,自由度冇咁大。」(算唔算為女性平權發聲?)Gloria直言:「我又唔可以話到平權女性咁大,但其實喺香港男女平等,比起以前已經好咗好多,我希望女性有自己嘅思想,有自己嘅睇法,唔需要理會人哋點講。」

 

點擊瀏覽《香港01》更多內容和圖集

你可能感興趣:
【專訪】葉蘊儀出寫真騷本色 討厭獲封「美魔女」:唔尊重女性!
【有片】葉蘊儀怒減36磅靚爆回歸 大尺度寫真集蓄勢待發