《葉問4》完全劇透大賽 網友一句踢爆:葉問患癌症死了!!

《葉問4》聖誕檔上映未夠幾日,網上已經瘋傳今集劇情,這個「完全劇透大賽」極受歡迎,似乎為了幫助大家慳錢睇另一套戲,網友真係無所不用其極!不同版本的《葉問4》劇情正在Telegram以及Whatsapp瘋傳,今次就幫大家收集晒所有流傳劇情,大家最後想購買戲票入院Fact Check、還是瘋傳此帖當做睇咗,就自行決定吧!

撰文、圖片:東方新地

2019年講睇戲,曾經有一個「劇透死全家」的潮流,說的是其實是《復仇者聯盟:終局之戰》,但係對於甄子丹主演的《葉問4:完結篇》,香港觀眾似乎唔太受落,索性直接穿橋就算數,以下就是不同版本的《葉問4》劇情:

版本一:直接講Ending「葉問有癌症死了!!」

葉問個仔學校打交被趕出校,佢自己又確診cancer

飛去美國幫仔搵學校,華人受歧視欺凌,葉問制止欺凌,得罪美軍陸戰隊軍官。李小龍美國出書、收鬼佬徙弟教功夫,引起唐人街華人武術界不滿。李小龍有美軍徒弟想將詠春引入部隊,受空手道教官打壓,派人去唐人街踢館,被葉問狠狠教訓。美國軍官同時派人打傷大量唐人街武師,搵移民局拉人。最後葉問入軍營挑機,打贏軍官。最後放棄個仔留學計劃,親自教個仔詠春。最後病發身亡。

版本二: 「睇咗幾次,唔知有冇記錯⋯⋯」

睇左幾次,唔知有無記錯,好似係咁:

葉問生cancer,雖然唔知有咩關係,但個仔派左去第二個校網,於是葉問帶個仔去美國學校敲門,然後用日字沖拳打贏個校長。

然後,有個完全唔撚似李小龍既香港演員想去大陸R撈,本來諗住會引起香港人不滿,但無人識佢。於是轉移去海軍陸戰隊R,激嬲左美軍。

於是美軍派人去唐人街狠狠咁懲罰葉問間餐廳。

最後葉問入軍營挑戰廚房佬,佢煮到最後一刻,燃燒盡生命,最後坐喺繩角滿足地身亡。

個仔跟唔到老豆學,無妨,反正無興趣,邊個想學。大個左,真係有需要,跟老豆d徒弟學返咪得。幸運既,戲都拍到幾套,大可將佢打造成文族英雄,然後搵個唔似李小龍既演員扮佢徒弟,搞掂,肯定大收。

葉問去美國幫個仔海外升學⋯⋯

版本三: 「【無雷】你不能不知道的《葉問4》基礎認識」

葉問得了癌症,偏偏兒子不學好,在學校打架鬧事,慘遭學校退學。葉問只好接受弟子李小龍的邀請,去美國為兒子申請學校,豈知華人到了美國受盡歧視,處處碰壁。

李小龍於美國出書,收鬼佬徒弟教功夫,引起唐人街華人武術界不滿。李小龍因此得罪了中華總會會長萬宗華。葉問與萬會長相識之初,因為對於中華傳統武術意見不合,隨即展開了一場詠春對戰太極的戲碼,萬會長發現葉問受傷了,直接收起一隻手跟對方打。

葉問拿不到萬會長的推薦信,無法讓兒子葉正入學。人在異鄉的葉問很想聽到兒子的聲音,可是每次的長途電話都被兒子拒絕接聽,父子關係惡劣。

這時,李小龍的美軍徒弟吳建豪,想將詠春引入美國部隊,受空手道教官打壓,派人去唐人街踢館,被葉問狠狠教訓,挑起了美國海軍陸戰隊跟唐人街的仇恨。

美國軍官趁著中秋晚會把會長綁走,並且打趴了所有會中的武師,找移民局拉人。這時葉問出馬,打趴了挑釁的美國人,美國人又把會長綁入海軍陸戰隊,並且打到重傷。葉問看不下去,認為中國人不能再被欺侮,於是叫吳建豪把他帶入海軍陸戰隊,美國人跟葉問一番激戰之後,再度打趴美國人。

葉問解救了中華總會的貌美女兒若男,但還是無法讓萬宗華會長點頭寫推薦信。

於是,葉問放棄了兒子的留學計劃,決定回香港並與兒子和好,教授兒子葉正畢生絕學,還叫他兒子用機器拍攝。最後,葉問在79歲因癌症去世,畫面切換至徒弟李小龍祭拜,然後開始播放前幾集畫面,包括洪金寶、黃曉明、熊黛林等場景。全劇完。

#不是劇透 #不要share #share了觀眾便不會購票

有網友唔捨得《葉問》咁快完,幫手諗續集:
。葉問5 娜美星篇
。葉問6 人造人篇
。葉問7 魔人布歐篇
。葉問8 宇宙生存篇
。黑歷史 葉問GT

中德混血!《葉問4》16歲新人李宛妲被摑到流鼻血

甄子丹主演嘅電影《葉問4:完結篇》落實今個聖誕上映,今次最後一戰繼 續由原班人馬出擊,不過就加插咗個16歲新人李宛妲(Vanda)。

喺戲中同丹爺有唔少對手戲嘅Vanda,大讚子丹非常友善,舉止溫文爾雅。

李宛妲被摑到流鼻血導演收貨大叫值得

面對前輩仲要係「宇宙最強」,中德混血的李宛妲Vanda大讚子丹非常溫文友善:「佢好 nice,打詠春又好睇!」Vanda話絕對唔好畀佢粗豪硬朗嘅外形呃到!講到今 次拍動作片打到飛起,Vanda承認好辛苦:「有場戲要被人大巴掌摑,第一次 被人摑到流鼻血呀!」好在導演葉偉信滿意收貨,犧牲少少都算值得!

拍攝一幕校園欺凌場口時,Vanda被大巴摑到流鼻血亦無怨言,落力演出獲導演讚賞。
被欺凌嘅Vanda獲子丹挺身出手相救。

網民發掘李小龍受訪片段:「你覺得你是中國人 還是美國人?」

今集描述李小龍在美國的遭遇,又大幅度描述「民族主義」到底李小龍當自己係中國人還是美國人?
有網民就找特意考古,挖出當年李小龍受美國主持訪問的片段,當時他是這樣答:


1971年 美國主持人問李小龍,你覺得你是中國人 還是美國人?李小龍回答#歷史時空↓

Posted by 歷史時空 on Wednesday, 12 December 2018

網民盛讚李小龍的回應,高度評價:「智慧,一旦定義自己係咩人,就會以那種人的思維觀察世界。是個人,才會回到常識真理中。」

「打打打,不如打埋白兵啦?」

今年聖誕檔期驚喜欠奉,《葉問4》遇上《星戰9》原來亦非首次,其實2015年《星球大戰︰原力覺醒》聖誕檔上畫時,《葉問3》亦都試過用「隻抽泰臣」正面迎擊,既然咁有緣份,有網民建議,不如下集講葉問復活、打到上太空當作星戰外傳就算了⋯

今年聖誕檔期《葉問4》遇上《星戰9》,有網民建議不如兩套撈埋一齊留返落畫喺電視睇仲好⋯⋯

延伸閱讀:

厚顏30歲黃心穎深潛8個月後回歸 發毒誓戒淫搏翻身

32B鄺潔楹面形變尖! 富家女入行前「校服Look」曝光!