【萬貴妃與紅棉】陳伶俐感激車婉婉當年…

回憶返晒嚟!

早已退出娛樂圈的陳伶俐專心相夫教子,近年仲進軍飲食業,搞咗間新加坡餐廳做老闆娘添,雖然伶俐冇再演戲,不過日前佢喺社交網就cap咗幾張電視畫面,原來係當年佢喺《皆大歡喜》做妹仔演出嘅畫面,佢嗌車婉婉做娘娘,佢留言:「我們終於團聚啦!」原來日前佢同婉婉約咗出嚟飯敍,佢留言:「興奮到瞓唔着,多謝你照顧我的那些年#皆大歡喜#萬貴妃與紅棉。」原來飯局當中還有稀客古天樂前女友黃紀瑩同利嘉兒夫婦抱住囡囡出席。