【萬千星輝2019】與李施嬅做最受歡迎拍檔 陳山聰笑言最想生仔

【萬千星輝2019】與李施嬅做最受歡迎拍檔 陳山聰笑言最想生仔

《萬千星輝頒奬典禮2019》今晚(12日)於TVB電視城隆重舉行,李施嬅(Selena)和陳山聰憑劇集《金宵大廈》奪得「最受歡迎電視拍檔」。陳山聰表示與Selena很合拍,而且合作時覺得很舒服:「我最記得我哋拍完之後,其實都未去到觀眾睇到咁大感覺,但係我睇番剪片,嗰時Selena喺加拿大,我同佢講『嘩真係好得,好感動!』我喺天台有場戲我同佢Whatsapp,我自己睇到眼濕濕嗰時咩配樂都冇,結果真係嗰幾場戲觀眾真係好鍾意。」Selena稱:「呢個獎係我哋其中一個好想攞嘅獎嚟,同埋『最佳劇集』,希望唔好有咗呢個獎就冇啦,哈哈!」

陳山聰雖然失落「最佳男主角」,不過他笑言自己最想生仔,Selena在旁笑指:「佢依家放緊假,冇嘢做吖嘛,梗係造人啦!」陳山聰笑言:「我都係第一次做男主角,今日攞唔到都仲有好長嘅路可以繼續進步落去,但係我生仔就唔可以等太耐啦,因為我冇乜好長嘅時間生架啦,哈哈!」Selena叫山聰生完再拍《金宵大廈2》,陳山聰表示急不及待:「我陣間就打畀我老婆,叫佢ready!(今晚當慶祝!)留番我哋做『最佳拍檔』,哈哈!」

點擊瀏覽《香港01》更多內容和圖集

你可能感興趣:
【視點31】黃秋生因外父離世缺席辯論 何君堯:我認同法治理念
【晚吹】前空少爆機艙鬼故:機員休息室啲燈突然熄晒