【電影冷知識】華語片主題曲之王 係佢地?!

電影主題曲有畫龍點晴之用,特別係為電影度身訂造、配合哂意景嘅主題曲!快手一睇,發現亞洲天團五月天幫唔少影視作品打造過主題曲,我地一齊來睇睇聽聽!

《候鳥》

《侯鳥》於2001年台灣上映。故事講述由劉若英、黃品源飾演嘅年輕夫妻移民加拿大,面對寂寞同生存壓力:太太留加照顧孩子,丈夫則為了生計台加2邊飛,過住侯鳥嘅生活。五月天參與製作整套電影配樂,係佢哋第一張電影音樂作品。

《盛夏光年》

2006年台灣上映嘅《盛夏光年》由陳正道執導,當時仲未成為男神嘅張孝全、張睿家主演,故事講述一齊成長嘅朋友相互感情糾結,因為單戀、因為寂寞還是因為習慣?張睿家更憑《盛夏光年》贏得43屆金馬獎最佳新演員。同名主題曲由五月天阿信創作,仲出左電影原聱大碟。同時電影中也使用了許多五月天嘅歌曲作為插曲,包含《明白》、《純真》和《擁抱》等。

《星空》

2011年改編自幾米繪本嘅電影。由林書宇執導,徐嬌、林暉閔、劉若英、庾澄慶主演,石頭都有客串做美術老師。

《黃飛鴻之英雄有夢》

由香港導演周顯揚2014年執導作品,洪金寶、彭于晏、王珞丹、井柏然主演嘅武打片。講明拍黃飛鴻,拳拳到肉,五月天就用左首《將軍令》配合!

《春嬌救志明》

講到電影主題曲,點可以唔提彭浩翔執導的春嬌志明系列?!五月天嘅《春嬌與志明》就算係台語歌,都阻唔到各位香港歌迷喺演唱會大合唱,不過系列第1部《志明與春嬌》無搵天團唱主題曲,要去到第3集的《春嬌救志明》先有!照唱原版?of course not,原曲新詞,台語詞變國語同廣東話版,國語詞由黃偉文填的,而廣東話版就由「腦細」林日曦執筆,係少數不是阿信執筆嘅歌詞~


數極都數唔完,最新的仲有賀歲片《捉妖記2》嘅《甚麼歌》!