菊梓喬驚生唔到仔

東方日報
菊梓喬(圖右三)

歌手菊梓喬(圖右三)、鄭俊弘、谷婭溦等接受TVB娛樂新聞台賀年節目訪問,鄭俊弘賣口乖讚未婚妻何雁詩的缺點就是有太多優點。問到可有計劃生小朋友?他說:「暫時享受二人世界先,過幾年再諗,今年好忙會拍《陀槍師姐》,又要忙住搞年尾婚禮。」

菊梓喬直言恨拍拖:「唔介意生仔先,年紀唔細,驚生唔到,不過首要條件都要搵番個男朋友先。」而新人劉子碩直言喜歡「姐姐」:「鍾意張曦雯,佢係我嘅女神,希望將來有機會合作!」谷婭溦指農曆新年可以返家鄉探親。