莫家淦急Call吳業坤開單救生意

東方日報
莫家淦為吳業坤調校眼鏡角度。

疫情令各行各業大受打擊,有6間舖揸手的無綫藝人莫家淦(Keith),旗下眼鏡店及手錶店已靜悄悄「縮水」,兩個品牌位於旺角的分店均「消失」,變相手頭上只剩4間舖揸手,生意版圖大幅削減。

服務周到

日前歌手吳業坤現身Keith位於尖沙咀的眼鏡店,自掏腰包消費撐場。「貴賓」駕到,Keith即親自上前招呼,見坤坤與店員有說有笑,似乎是熟客,見他來來回回看了多款眼鏡,似拿不定主意,Keith即主動上前給予專業意見。有好友幫眼,坤坤爽快扑槌,Keith幫忙調校眼鏡角度,服務周到。

之後二人到附近餐廳醫肚,Keith未有進食,反而全程講不停,坤坤則化身「樹窿」細心聆聽,似乎Keith正向好友吐苦水。翻查坤坤社交網,他經常網晒新眼鏡照片,幫Keith宣傳拉客,相當有義氣!

仲守得住

事後Keith受訪時表示,其旺角店舖屬Pop-Up Store(期間限定店),但生意一般,故期滿後未有續租。問是否受疫情影響?他說:「其實唔止疫情,過去大半年因為大環境經濟差咗,生意上有少少影響,但目前仲守得住。」提到搵好友坤坤「救市」兼訴苦,他笑言:「佢咁啱要配眼鏡先嚟搵我,冇救亡咁誇張。」

莫家淦講多過食,吳業坤細心聆聽。