莊思明愛犬過分熱情 變孤獨精

1 / 2

莊思明愛犬過分熱情 變孤獨精

莊思明指Haru太過貪玩,被其他狗仔「排斥」。

【東方日報專訊】藝人莊思明(Lisa)是愛狗之人,經常在社交網分享愛犬Haru的相片。她指Haru性格非常特別,難以和其他狗仔相處:「相處唔到唔係因為Haru會發惡或者咬其他狗,而係佢嘅性格令到其他動物唔係咁鍾意同佢玩!我覺得係因為Haru太過熱情,又鍾意玩,所以佢成日黐住其他狗仔,但又察覺唔到其他狗唔鍾意,最後會發脾氣同咬佢,但佢都係唔識停。」故Lisa覺得Haru很可憐,令她更加疼錫。

問到與Haru有何難忘經歷?Lisa透露曾帶Haru游水,發現牠非常怕水:「佢怕水嘅程度,就算放佢喺掂到水嘅地方,佢都完全硬晒唔識郁,就算幫佢着救生衣,佢都唔郁,非常搞笑。」她認為狗仔多數不怕水,更覺Haru可愛。