莊思明叫楊明畀誠意求婚

東方日報
莊思明晒事業線及長腿,性感誘人。

藝人莊思明昨日出席開幕活動,穿低胸連身短裙騷美腿,非常吸睛。她透露近日考電單車牌:「考車方便拍劇,江嘉敏早兩日考咗。(男友楊明會唔會買車獎勵?)冇啦,佢上次意外之後賣咗架車。」提到江嘉敏與男友拍檔Ⅹ先生傳緋聞,鄺潔楹亦牽涉其中,思明聽罷事件始末,戥江嘉敏慘。問到可認識Ⅹ先生?她說:「唔識。(傳佢鍾意識女明星。)可能佢唔鍾意我,我唔夠後生嘛!」

早前楊明揚言將她「封盤」,思明說:「我知佢咁講過,佢畀啲誠意囉。(擔唔擔心早過家姐莊思敏嫁人?)唔擔心,佢做嘢好快,話唔定佢閃婚呢。」