莊思明公審國泰空姐唔借筆 家姐莊思敏:只能夠講佢唔夠冷靜

莊思明公審國泰空姐唔借筆 家姐莊思敏:只能夠講佢唔夠冷靜

農曆新年快到,莊思敏今日(11/01)出席活動時接受《香港01》訪問,說自己正在為新年行程而煩惱。她說:「因為而家拍緊《香港愛情故事》,要同劇組度期,唔係嘅話就得三日,唔知去得邊。」皆因他的新男朋友是台灣人,爸媽則是馬來西亞人,新年要兩邊走實在令她頭痛。

另一方面,近日妹妹莊思明的「借筆風波」引來不少網民討論,莊思敏則回應說:「唔能夠話佢錯嘅,只能夠講佢唔夠冷靜,有時啲嘢自己知咪算囉。」

莊思敏續說:「喺網絡世界係牽涉太多人,一人一句嘅時候邊可以解釋咁多,好容易因為文字演繹而令人誤解,所以我就用佢講:『要輕鬆啲處理。』」不過網民斟酌點似乎不是她投訴空姐,而是她公開機組人員名單。莊思敏回應說:「我都知大家對呢樣嘢好關注,我哋都有問過專業意見,首先個行為係冇犯法,因為份文件唔係牽涉好多個人私隱,當然喺法律上冇犯法,亦唔代表呢件事係應該做,因為個Crew list係內部文件,所以都唔應該公開傳閱。」

莊思敏續說:「一個普通市民Post出嚟,未必咁多人睇到(影響咁大)。佢都問:『點解人哋Post得,我就唔得?』咁梗係啦,因為你係莊思明吖嘛,佢係一個公眾人物就唔可以傳嚟傳去(或公開)。」問妹妹莊思明有否道歉?莊思敏回答:「以我所知佢喺網上平台就道咗歉,佢呢幾日都知要冷靜,唔好再拗,下次再有呢啲情況都唔好再公開人哋個Crew list。」問會不會考慮送支筆給莊思明?莊思敏笑說:「我都有同佢講:『不如送一打筆畀你,喺每件褸都擺支筆,咪你出街就一定有啦!』希望大家都原諒我妹妹啦。」

點擊瀏覽《香港01》更多內容和圖集

你可能感興趣:
莊思明公開機組人員名單遭狠批 藝人特別愛投訴航空公司?
【莊思明投訴】港航FB抽水玩遊戲送筆 網民抽上抽:留返啲錢出糧