莊思明入股6位數 撐男友食店

東方日報
女友莊思明出錢出力支持,楊明自然甜入心。

藝人楊明位於灣仔的燉湯店早前「被裝修」,意志堅定的他豪氣指寧做乞丐也不妥協,女友莊思明當然撐到底,據知最近以6位數字入股該店,昨日更以老闆娘身份,上載燉湯店大排長龍的照片,實行夫唱婦隨拍住上!

楊明去年豪擲7位數字,與友人合資於灣仔開第三間燉湯店,惟早前因政治立場問題,店舖遭受惡意破壞,門口玻璃被打爆,更有人掟雜物入內,但楊明無懼「打壓」,揚言「就算做乞丐也唔會妥協,永遠支持香港警察」。

改善食物質素

眼見男友花盡心機的店舖受社會運動影響,莊思明當然心痛,最近決定花6位數字入股,以實際行動支持男友!昨日她更以老闆娘身份,上載店舖大排長龍的照片,留言感激大家支持:「我會盡量叫廚房整多啲,希望可以整多啲數量,唔使太快賣晒!多謝各位幫忙免費宣傳嘅人。」

而思明前晚出席活動時,直言對店舖於元旦被破壞有少許唔開心:「惟有盡快搶修,希望唔好影響到熟客。佢嘅生意拍檔趕咗返去處理,唔用玻璃呢啲易爛嘅物料,擔心爛咗爆開會整到人,依家搞掂咗,冇影響開舖,只係冇咁靚仔啫!」更指近日生意不俗,面對網民的負面留言,他們會主動了解及反映,希望食物質素有改進。

楊明
莊思明上載燉湯店外的人龍照,感激食客支持。