莊思敏3個月硬蝕150萬平讓食店止血!

東方日報
之前莊思敏不時到點心店打躉,巡視業務。

藝人莊思敏(Jacquelin)有份投資的點心店開業近五年,做到有口皆碑,無奈受近期的社會事件影響由賺轉蝕,三個月內勁蝕150萬,最終為止蝕而決定賣盤。最近有買家欣賞其創作理念,Jacquelin遂平讓心血,唯一條件是要新買家聘用食店現任員工,令他們不致失業,可謂良心店主。

莊思敏經營的點心店以卡通人物造型的點心作招徠,每隔兩、三個月便會轉換主題一次,憑創意吸引不少食客及遊客打卡,今年初她更露口風稱正物色店舖開分店。然而,近月社會動盪,不少食肆生意大跌,Jacquelin的點心店亦未能幸免於難,有傳已經易主!

遊客減少經常落閘

對此聯絡Jacquelin,她接受訪問時坦承食店已被收購。她表示,因食店位於遊客區,非常依賴遊客幫襯,但近月受社會事件影響,旅客大減,加上因安全理由商場不時要落閘,生意下跌四成左右,雖然已積極尋求方案望渡過時艱,包括曾向商場業主要求減租,但對方以「愛莫能助」四字婉拒,Jacquelin說:「一直都想堅持做落去,但我哋皮費重,香港人工貴,業主又唔肯減租,三個月就蝕咗150萬,所以最終頂唔住,要賣盤。」她慶幸開業以來一直有錢賺,業績不錯,加上卡通點心這個賣點獲買家賞識,故在逆巿下也有買家願意接手。

連創意全套賣斷

對於之前的心血全付諸流水,她亦感可惜,但認為有人買盤承接總比結業好,最大安慰是40多名員工不用失業。問她今次是否蝕讓?她說:「我哋算係平讓,因為想對方繼續用番我哋嘅員工同理念,依家無論個名同創作理念都係賣斷畀佢哋。(有冇蝕錢離場?)冇,因為之前一直都係賺,係最近先蝕啫!」而她有投資另一食肆,幸生意額還可以,未有太大影響。

至於另一位股東、一手創立點心店的名媛陳君宜講到賣盤時,她表現樂觀:「唔多唔少都會唔捨得,不過依家巿道唔好,加上有買家有興趣,所以決定賣。有人欣賞係好事,唔係壞事,生意隨時都可以再做過,不過要等巿道好啲先。」