莊思敏自爆戀情撻着台仔團圓

東方日報
莊思敏人月兩團圓,上載甜蜜合照公開戀情!

貴為拿督千金的藝人莊思敏多年來在感情路上兜轉,屢敗屢戰,原來她已成功破「Dry」,更趁着昨日中秋追月在網上公開新戀情,人月兩團圓!

39歲的莊思敏(Jacquelin)2011年與歌手吳浩康結束5年情後,一直未有新戀情,即使先後與廖碧兒舊愛林忠豪和導演葉念琛傳緋聞,可惜都是「冇米粥」,成為單身盛女。她近年不時放風明言恨拍拖,又四出請朋友介紹對象,更考慮過要搵精子銀行!早前她就自爆返家鄉馬來西亞過年時,心急的母親經常向她傳男生照片,又安排相睇,期望她早日找到如意郎君。

逼男友用美肌效果

「Dry」足8年的Jacquelin,昨日突然在網上自爆有新戀情,上載依偎着一位男士的合照,並以英文發文:「對的時間,對的人。」相中男士穿恤衫、戴着一副粗框眼鏡,外形老實穩重,身旁的Jacquelin則一臉甜蜜,幸福之情不言而喻!不少圈中好友都為她成功脫離單身行列感到高興,連詩雅、陳煒、梁麗翹和吳若希等紛紛留言祝賀,王子涵則搞笑留言:「點解你要佢美肌?」Jacquelin坦白表示:「因為我需要囉!」

姊弟戀疑雲

Jacquelin接受本報電話訪問時,直認蜜運中:「男友係台灣人,喺當地做生意,之前朋友介紹識嘅。佢叫Brian,我哋拍咗幾個月拖。(突然放閃?)中秋嘛!揀個節日講囉!(男友係咪細過你?)有咩可能呀?好多人話佢細過我,但其實佢大我一歲,應該執相App,相機鏡頭問題啫!」並大讚男友相當細心,成功俘虜芳心。

據知從商的Brian在上海浦東有辦公室,在台灣搞茶飲店生意,而他熱愛音樂和水上活動,不時在網上晒騷肌照。其實Jacquelin今年5月生日時,生日派對的大合照中已見Brian站在她身旁,似乎當時戀情剛萌芽!

Jacquelin公開戀情後,Brian亦晒合照放閃。