莊思敏拒絕拆彈:佢唔介意!

東方日報
莊思敏欣賞男友很遷就她,值得付託終身。

藝人莊思敏(Jacquelin)將榮升人妻,閃嫁台灣商人,她指男友為安撫她對異地戀的不安,拍拖不足兩個月已承諾搬來港定居,而且男友不止接受Jacquelin的藝人身份,亦不介意她曾做過隆胸手術,令Jacquelin願意付託終身。

莊思敏將下嫁台灣珍珠奶茶店老闆Brian,近日她頻頻健身,務求以最佳狀態結婚。雖然婚期逼近,但Jacquelin笑言仍未有緊張感覺,依然日日煲劇:「我哋只係喺屋企簽字,之後一家人食個午餐,冇特別需要準備,準備個人同件禮服就得。」

拍拖唔敢拖手

兩人拍拖半年,Jacquelin便答應對方的求婚,問到男友如何打動她?她大讚男友孝順、善良及有承擔,最感動是願意為她來港定居:「佢知我好唔鍾意異地戀,拍拖未夠兩個月,佢已經話有計劃搬嚟香港住,叫我畀啲時間佢,處理好台灣生意。佢好有誠意,睇咗好多香港嘅租樓網,知道晒各區租價,呢個行為令我好感動,我之後有制止佢,叫佢唔好衝動,因為當時香港有啲亂。(咁急結婚因為想生小朋友?)唔關事,唔結婚都可以生。」

兩人是由藝人好友梁麗翹介紹認識,相識近兩年才拍拖,在公開戀情前,他們在港約會,連手也不敢拖,Jacquelin又禁止男友將合照放上網,Brian雖然覺得鬼祟,但也願意配合。Brian不止接受Jacquelin的藝人身份,還接受她的一切,Brian更知她做過隆胸手術:「佢話佢知,佢有上網搵過我嘅新聞,佢冇講過介意,咁即係唔介意啦!(你有冇諗過拆彈?)冇諗過。」

預料會係虎媽

講到婚後生活,Jacquelin坦言由於疫情關係打亂了計劃,婚後兩人仍要相隔異地,但男友最終會來港居住:「我極力制止佢喺香港開珍珠奶茶店,因為租金太貴,有諗過做其他生意,佢做過貿易,可能做番呢樣嘢。」問到會否為做人妻而學習下廚?她笑言:「佢冇要求我下廚,如果將來有需要都會煮,我唔抗拒。」至於生兒育女,Jacquelin覺得隨緣,但預計自己會是虎媽。

拜得神多自有神庇佑,二人的終身大事果然水到渠成。
為了以最佳狀態結婚,莊思敏近日積極健身,愈來愈Fit。