苟芸慧以為老公揸電召車

東方日報
苟芸慧的性感婚照,將美好的身段表露無遺。

藝人苟芸慧(苟姑娘)和錫礦大王陸佑後人陸漢洋將於本月19日在港舉行童話式婚禮,準新娘自爆曾誤以為老公是電召司機,向他請教有關汽車的問題,天使般的善良迅速融化陸漢洋,更願為老婆着粉紅衫變Pink Man,扮王子都制!

苟芸慧和陸漢洋(William)的婚禮將在上水雙魚河鄉村會所分日、夜兩場舉行,早前他們先後到法國、加拿大及韓國拍攝婚照。

自認醜樣好大壓力

在韓國拍攝的婚照將苟姑娘的玲瓏身段表露無遺,從未穿過粉紅色衫的新郎哥「被迫」着粉紅西裝,幸效果滿意,不過,他多以背面或側面上鏡,原來是自認醜不願出鏡:「老婆實在太靚,乜角度都咁靚,我梗係好大壓力,驚會破壞張靚相,所以避重就輕,影多啲我嘅側面比較穩陣。」又笑言自己甫士生硬,要苟姑娘指導。

最愛一雙腰果眼

不過苟姑娘並不覺得William醜,指他很可愛,最愛他一雙腰果眼:「佢好有內涵、人品好同愛錫我,我嘅夢想係有個『童話故事』主題婚禮,初時佢嫌幼稚,最後都畀我『馴服』,我哋會化身童話中嘅『公主』同『王子』現身。」她還自爆兩人初相識時,曾誤將鑽石王老五William誤以為電召司機,還請教有關汽車的問題,令對方啼笑皆非,而她冇階級觀念、個性善良,完全俘虜了William。

今次到韓國拍婚照,除因苟姑娘是韓星孔劉的鐵粉,有四分一韓國血統的她尤其欣賞韓式化妝:「化妝師獨門秘技係不斷拍打我塊面,好似畀人打咗幾吓耳光,但個底妝好薄好自然,我好鍾意。」

陸漢洋自認醜樣,與完美的苟芸慧合照,驚破壞畫面。
苟芸慧、陸漢洋又攬又拖手在韓國影婚照。