艾廸疫市奇葩醫療生意做唔切

東方日報
艾廸與溫碧霞於新片有不少對手戲。

藝人溫碧霞(Irene)、關智斌及艾廸(Eddie)於英皇電影《墮落花》中合作,Eddie日前身在美國接受訪問,大談近況。他指今次於新戲中演的角色,與其真實性格完全不同:「我本身唔食煙,亦冇拍過古惑仔電影,平時更加唔係大哥大那種人,當接到《墮落花》個劇本,我立即細意研究。」

歐美疫情日趨嚴重,於三藩市灣區居住的他表示:「呢度地方比較空曠,每幢獨立屋之間有一定距離,出入我會揸車,同其他人冇太多接觸,暫時唔會太緊張。」

疫情令不少行業受影響,Eddie卻反而忙得不可開交:「我開嘅公司一向有做醫療用品生意,向牙醫、護士供應口罩、手套,近兩、三個月口罩需求量急增,之前公司仲有貨源可以應付,但最近已賣到斷市,唔知道內地幾時有新貨入口。」