與鄭俊弘拍拖2年形象插水 何雁詩事業終有起色

何雁詩

喺2017年,鄭俊弘(Fred)被爆出背住拍拖3年嘅未婚妻跟何雁詩(Stephanie)搭上,佢哋仲隨即十指緊扣出現機場兼公開戀情,之後何雁詩背負第三者罪名,而Fred就被封為「世紀賤男」,二人形象大插水。今年就係佢哋拍拖2週年,何雁詩嘅事業好似慢慢上返軌道,好似台慶劇《牛下女高音》嘅片尾曲《我很想念他》就係由佢主唱,佢喺劇中飾演蔣志光喺加拿大回港嘅女Melissa亦終於登場。

除咗事業有起色之外,何雁詩嘅愛情同樣得意,好似噚日係阿Fred嘅生日,Stephanie就喺社交網站放閃上載Fred嘅相片並留言:「35+1 我愛你」。另外,早前Stephanie亦曾經喺社交網站留言話:「謝謝你的星光,把我每一個漆黑的晚上也變得光明,和你在一起是我做過(其中的)一個最好的決定,謝謝你」,真係羨煞旁人呀!

鄭俊弘
鄭俊弘&何雁詩