與鄧麗欣開拖爆粗 陳凱琳豁出去演拜金女

星島日報相片

【星島日報報道】電影《起底組》改編自年前哄動全城,解款車馬路跌錢案,由鄧麗欣(Stephy)、陳凱琳(Grace)、林耀聲、游學修、鄧月平等主演。第一次拍戲的Grace演出突破,與Stephy的嗌交戲需要激動爆粗,Grace說:「我未試過做一個比較曳嘅角色,雖然未知觀眾受唔受落,但我決定豁出去。」

戲中Grace為人拜金,愛好名牌和炒股,導致兩姊妹經常為錢爭執。其中一幕兩人在尖東街頭激烈爭吵,Stephy直指Grace為賺錢甘願做陪酒小姐;二人愈罵愈激,Grace被要求爆粗迎合劇情,Stephy則入晒戲心痛妹妹淚流滿面。

拍畢這場戲Grace感恩與Stephy合作,更不介意爆粗,覺得只是迎合角色,「觀眾好聰明識分戲內戲外,而同Stephy第一次合作,覺得好奇妙,同佢對戲學到好多野,佢又好主動教我,大家埋位好快有默契,依家對住佢可以一秒入戲。」至於Stephy平日甚少同人嗌交,所以有感今次的嗌交戲好像拍打戲一樣,聲淚俱下非常需要體力,拍畢非常疲累。

睇更多