與袁富華同奪男女配角 惠英紅多謝自己抵得諗

東方日報
惠英紅拿下最佳女配角,要多謝自己。


演員袁富華及惠英紅同樣憑電影《翠絲》榮獲最佳男、女配角,這是惠英紅繼2014年憑《殭屍》後,再次奪得該獎項,上台前她先接受經理人公司老闆楊受成吻賀。她在台上多謝金像獎及《翠絲》整個團隊及自己:「點解我要多謝自己?近呢幾年我拍多咗戲,我可以話係最支持新導演嘅演員,仲好抵得諗,因為電影要百花齊放,一定要有後生嘅繼續落去,我哋啲老人家賺多賺少錢都冇緊要,只係希望做番好似我當年出道咁,一年出產四百幾部電影,能夠發放色彩而自己又有參與,覺得好榮幸。」


再次多謝女友


袁富華繼金馬獎後再奪該獎項,他致謝詞時自言是土生土長香港演員,香港電影陪伴他成長,見證過香港電影發光發亮時期,能成為演員都因為香港電影。他說:「今晚每位有份提名嘅朋友都喺崗位默默耕耘,我要向佢哋鞠躬。同時多謝老闆古天樂,亦呼籲各位老闆唔好因為題材難而唔想投資,要多啲支持新題材。上次我攞獎,冒咗生命危險多謝一個人,依家我都冇事,要多謝我女友多一次,如果唔係佢,我唔會行到呢一步。」

袁富華勇奪最佳男配角,可喜可賀。



是日精選

 

視后胡定欣失落最佳新演員

趙式芝jw拍拖入馬場-認關係好穩定

朱晨麗想生b-怨何廣沛唔珍惜

轉眼13歲喇-君如女兒吊帶look慶生

余香凝低胸-派貼

與袁富華同奪男女配角-惠英紅多謝自己抵得諗

陳嘉桓王敏奕玲瓏浮凸夠-胸-狠

倪震奇招撐周慧敏瞓身賣碟-為氹老婆絞盡腦汁

回顧85歲楚原昔日後生英俊相-廿零歲時好很靚仔

心疼-迪麗熱巴跳芭蕾驚豔全場-退場竟慘摔滑出舞台

張寶兒撐男友-為保護身邊人出聲