自爆甩拖 周嘉儀:冇情人嘅情人節都可以好快樂

周嘉儀同林凱章原來已經分開咗一排。資料圖片

【星島日報報道】情人節有人歡喜有人愁!前新聞主播周嘉儀今日在fb貼文,除咗有紅色背心裙靚相做福利,仲寫話「+2(嘉儀)就覺得扮靚啲可以令自己開心啲醒神啲,唔需要係為任何人嘅,+2(嘉儀)喺度祝各位無論有情人定冇情人都快快樂樂,開開心心過每一日。今晚我就同一大班朋友一齊食團年飯喇,你哋呢?」

咦!佢唔係同經民聯立法會議員林健鋒個囝林凱章拍緊拖咩?點解會同「一大班朋友」喺情人節正日「一齊食團年飯」呢?睇埋hashtag,似乎內有玄機,「#冇情人嘅情人節都可以好快樂」、「#各位都為自己努力」,原來+2BB已經單身咗一排,至於想唔想搵到新男友,佢就例牌咁話「順其自然」喎!

睇更多