自爆冇咗個男友 薛家燕:可能爭咗啲嘢!

自爆冇咗個男友 薛家燕:可能爭咗啲嘢!

藝人薛家燕晚上出席兒童音樂劇的慈善場,她突爆冇咗個男友。談到中秋節,家燕稱跟家人食飯慶祝,問到男友有否出席?她坦言:「冇。(同佢冇得團圓?)係。因為冇咗個男友。(點解?)唔知道,遲啲先講。」家燕透露原本男友約了她今晚食飯,但她很想支持小朋友,加上是慈善場,所以就退卻飯局:「佢會問我究竟邊個重要啲。(你哋鬧交?)我哋冇鬧交,係講道理,有意見分歧。尋晚個月亮好似細咗啲,可能爭咗啲嘢。(你有弦外之音?)等佢諗吓先。」

另外,家燕自言很多小朋友見到她都會特別開心及精靈,相信今晚的演出會很精彩,希望大家在中秋假期有個快樂的氣氛,她又指昨日在酒樓跟家人晚飯時,甫入到酒樓受到其他客人熱烈歡迎,笑言似足自己擺大壽:「我仲帶咗啲古老燈籠去食飯,啲燈籠係我之前去老人院派月餅,老人家整嚟送畀我,出面買唔到,我帶去食飯同姐妹一齊影相懷舊吓!中秋最緊要係大家開心團圓。」