自家健康產品生招牌 胡曦文做「白老鼠」愈飲愈索

東方日報
胡曦文狀態大好,為自家健康產品做生招牌。

胡曦文於柴灣做生招牌,為自家健康產品IFUBO拍攝廣告,產品除了超級抗氧化,更能增加細胞免疫力,難怪做了年多「白老鼠」的她愈來愈索!她又透露因疫情,原定今年舉行的婚禮將會延期。

商界美女胡曦文(前名胡敏珊、Christy)昨日於柴灣邀請了莊思敏、陳約臨、龐景峰、足球員鄭璟樂、跨欄運動員呂俊人為旗下健康產品IFUBO拍攝廣告。IFUBO屬德國生物科技、在日本取得金刺梨無糖發酵專利,Christy說:「產品可以增加細胞免疫能力,一支包含咗900個檸檬嘅抗氧化,等於飲咗三年檸檬水,唔止強身健體、超級美白、仲可以抗H1N1。」

天然產品幫助身體

Christy坦言自己身體多痛症,亦因吃得太多止痛藥出現胃潰瘍情況,故令她萌生創辦幫助身體的天然產品念頭,她說:「做咗兩年市場調查,自己做白老鼠飲咗年幾,飲完好精神,尋晚瞓咗兩個鐘就嚟做嘢,啲女仔朋友飲完都話後生幾年。人最容易病、老係因為糖化、氧化,產品係無糖發酵,同埋係超級抗氧化,令到你後生同健康。」她又指還代理了瑞士消毒產品,產品由植物提煉絕不傷手。

婚禮延期避「炎」

問到疫情下男友是否更緊張她的健康?Christy說:「係呀,佢好照顧我,早晚都會畀杯加強免疫系統嘅飲品我飲。」不過,原定今年結婚的她表示因新冠肺炎疫情,要將婚禮延期:「依家要遲少少,本來諗住影吓相,依家都影唔到,等疫情過去再打算。」

Christy邀請莊思敏、陳約臨及龐景峰拍廣告。
跨欄運動員呂俊人(左)、足球員鄭璟樂(右)