腦血管栓塞95% 梅小青死過翻生退休!

東方日報
梅小青打造的《宮心計》系列成為經典,李施嬅(中)有幸參演。

無綫新劇《法證先鋒IV》即將首播,今次由黃浩然、李施嬅、朱晨麗等擔演,亦是監製梅小青的退休之作。由助理編導做起至現任無綫戲劇製作總監,超過40年歲月,梅小青笑言今次是奉「子」停工。

原來之前她腦血管栓塞,徘徊生死一線間,其子劉鎮然懇求她辭職,梅小青受訪時說:「2018年喺橫店拍《宮心計2深宮計》時經常耳鳴,又試過喺公司暈低幾次,睇咗個名醫先知左腦腦血管栓塞95%,話要做手術,萬一中風,右邊身會癱瘓。」做手術時,再發現栓塞位置是腦血管轉彎位,風險甚高,她回憶此事時坦言:「真係喺鬼門關行咗一轉!」

李施嬅讚堅強

李施嬅表示拍《宮心計2深宮計》時已知對方入過醫院,只是沒有告訴其他人:「好感動,因為佢要領導我哋成班人,所以佢好堅強,我哋辛苦都唔應該嗌辛苦,佢先係最辛苦嗰個!」與梅小青合作《法證IV》的黃浩然說:「能夠喺演藝生涯中同小青姐合作,喺我Profile入面係張好嘅成績表,多謝佢畀機會我。」至於首次跟梅小青合作的朱晨麗,不知對方身體出事:「平時見佢好精神,氣色好好,希望佢好好保重身體。」