胡鴻鈞養傷撩打牌 許廷鏗幫手補腦

東方日報
胡鴻鈞約許廷鏗打牌。

歌手許廷鏗於社交網發文,指獲早前跌倒受傷的胡鴻鈞相約打麻雀:「作為站長的我表示奉陪……」又笑打牌是「補腦良方」!而胡鴻鈞精神不錯,令粉絲放心不少。

另外,許廷鏗昨日到科學園為電影《樣衰衰奇兵》宣傳,除了與好友鄭欣宜有份配音外,他還負責演唱主題曲。談到配音時的難忘事,他笑說:「同欣宜一齊配音有默契,我跟稿講要話佢樣衰,點知事後我打畀佢,佢竟然好大聲咁鬧番我,話我做乜寸佢樣衰,仲要留喺樂壇,佢真係諗多咗同太投入。」但獲對方讚配音表現「合格以上」,問到會否考慮由聲演變成幕前演出,他說:「入行咁耐我都冇乜拍過嘢,自己都想演喜劇。(最想同邊位演員合作?)葉德嫻,我知道如果要同佢合作到,起碼要努力10年。」

許廷鏗與小朋友捐出收藏的毛公仔行善。