胡鴻鈞為蔡思貝做番男人

東方日報
蔡思貝陷複雜關係,仲預告失身添!

傷愈的胡鴻鈞相隔一年推出《沒身份妒忌》再戰樂壇,自爆是新歌主角,難忘與「醫生」的初戀,更笑言分手後「揼心口」!談及暗撻蔡思貝,他誓言要做番個男人,「公布」雙方關係!

胡鴻鈞前晚於尖沙咀舉行新歌兼MV發布會,獲好友吳若希與老公Alex及大班Fans支持,他自爆是故事主人翁:「曾經擁有(女友),但唔識珍惜,失去先嚟後悔。係發生喺十幾歲嘅初戀,依家都仲有偈傾,不過佢就嚟結婚。(請你?)冇,好似喺海外結婚。(佢知首歌講佢?)有睇報道就知,但佢做醫生,好忙。」

甩拖揼心口

被取笑「識食」搵醫生做女友,他抵死笑說:「(分咗手)真係揼心口!之後拍拖就識珍惜,唔想再拍散拖,想長遠穩定。」他早前被爆暗撻蔡思貝,問對方是否好人選?他笑住再三澄清雙方只是朋友,又大讚對方勇敢,先出來面對傳媒:「我一直冇活動見大家,今次等我做番男人,企出嚟解釋,我哋係好朋友。(有機會發展?)冇諗呢樣嘢,佢拍劇好忙。(10日密會3次咁密?)順路車佢返工。(佢請食飯報答你?)同事幫手啫!唔使請食飯。」問到蔡思貝是否理想對象,他未有正面回應,只表示將來事將來先算,又取笑對方:「佢依家拍《踩過界II》係哨牙造型,真係要諗諗先。(佢私下唔係哨牙。)箍咗牙先算!」

出新歌唔係「解凍」

此外,早前有傳他被公司「雪藏」,問出新歌是否「解凍」?他解釋:「去年頭到年中拍《降魔的2.0》、年尾就發生意外,之後一直休息,咁就一年。」並強調與公司關係良好,是自己要求抖足精神:「娛樂圈呢條路好漫長,唔心急。新歌凌晨一出,就排網上音樂平台首位,同我打咗支強心針!」

胡鴻鈞講起蔡思貝即四萬咁口。
吳若希帶埋老公撐場,胡鴻鈞自然開心!
傳撻着的胡鴻鈞與蔡思貝,早前被拍得頻頻密會。