胡曦文赴澳洲學瑜伽預咗隔離2星期

東方日報
胡曦文很享受忙個不停的生活。

時尚名人胡曦文(Christy)前晚現身旗下唇膏品牌Crisathena與法國皮具品牌合作的活動,跟現場近百人分享扮靚心得,心情大靚的她更即場換Look。現場掛滿靚衫,猶如進入時裝店,她笑言唇膏活動幾乎變時裝展:「我個時裝設計師好友Marco Chan帶咗好多衫嚟,我忍唔住試咗一套黑色,好鍾意佢嘅設計。我哋遲啲合作出時裝,專攻網上市場。」

Christy對其中一套婚紗特別「心心眼」,但只說覺得款式有趣,未有衝動穿上。又透露將與不同時尚界別合作,工作排到月底,之後會隨男友返澳洲:「喺當地報咗名上瑜伽班,呢個班好深層次,預咗澳洲入境要自我隔離14日,冇法啦,我哋好鍾意瑜伽。」

胡曦文即場換Look,分享扮靚心得。