胡定欣續約諗清楚:個心定咗!

東方日報
胡定欣連續8年做代言人,荷包進帳不少。

胡定欣昨日以代言人身份為保健產品拍廣告,對於有指她續約無綫,定欣仍大賣關子,表示已有明確方向,適當時候會公布,更指無綫給予平台機會,故雙方定會保持關係。

胡定欣昨日為保健產品「維特健靈」拍廣告,透露已連續任該品牌代言人8年,每次續約酬勞遞增之餘,朋友家人也有免費產品使用,齊齊受惠。今次定欣與9個月大的嬰兒做對手戲,笑言仍能應付:「最近做咗姑媽,細佬BB四個月大,都試過幫手餵夜奶(口架)!」

與無綫保持關係

談到年尾將參與新劇《白色強人2》,再度與舊愛馬國明合作,定欣表示二人上次合作已是3年前,故甚為期待,對於馬國明與湯洛雯拍拖,他大讚二人郎才女貌。

說到她是否落實續約無綫,定欣依然守口如瓶:「依家都傾到尾聲,有明確方向,等適當時候再公布。(覺得娘家好啲?)始終無綫嘅平台係畀到機會,所以都會保持一個關係。(市道唔好唔敢外闖?)每個階段都有唔同想法,睇大環境,諗清楚之後嘅方向,之前大家仲緊張過我,不過我都觀察咗好耐,係時候決定。(唔簽古天樂?)我有新決定,清晰嘅,個心定咗!」

話晒有過湊B經驗,與BB做對手戲都應付自如。