【肺炎疫情持續】內地停製作 無綫續開工 員工擔心:所謂消毒其實只係...

TVB

新型冠狀病毒肺炎疫情持續蔓延,個個都人心惶惶,搞到唔少香港人都四出排隊或上網撲口罩。喺早幾日,無綫電視城有臨時演員嘔吐,無綫就發出內部通訊,立即進入高度戒備,要求所有員工佩戴口罩,所有人士進入電視城前必須探熱。另外,無綫仲加強環境清潔,為員工帶來安全嘅工作環境。

不過唔少台前幕後員工都話喺而家咁嘅環境,政府同好多私人機構都會俾員工在家工作,就連內地廠都停晒製作節目,但無綫仲要佢地一大班劇組一齊工作,互相傳染機會大增。有員工更指無綫所謂消毒都只係關廠前一個鐘清潔,令唔少員工都擔心。

而無綫指出近日市民都減少外出留喺屋企,而令節目收視上升,多謝台前幕後同事們謹守崗位。